Тројца заменици-шерифи загинаа во експлозија на полигонот за обука на шерифската канцеларија во Лос Анџелес, објавија денес „Фокс њуз“ и локалните медиуми, но официјалните лица сè уште не ја потврдија причината.
BREAKING: A DEADLY EXPLOSION just occurred at the Los Angeles County Sheriff's training Department facility. The reason for the explosion is not known at this time, but three people are reported dead. Praying for everyone involved.pic.twitter.com/rsMZbRQ3nI
— Chuck Callesto (@ChuckCallesto) July 18, 2025
Портпаролот на канцеларијата на шерифот во Лос Анџелес потврди дека се случила експлозија на полигонот за обука „Академија Бискаилуз Центар“ во источен Лос Анџелес.
Тој рече дека причината за експлозијата е под истрага и дека сè уште не може да потврди дали имало смртни случаи или повредени.
„Лос Анџелес тајмс“ објави, повикувајќи се на неименувани извори, дека тим за деактивирање бомби расчистувал експлозиви кога се случила експлозијата.
Главната обвинителка на САД, Пам Бонди, објави на социјалните мрежи дека разговарала со американскиот обвинител за Централниот округ на Калифорнија, Бил Есали, за „она што изгледа како ужасен инцидент во кој најмалку три лица загинаа на полигон за обука на органите за спроведување на законот во Лос Анџелес“.
Бонди рече дека федералните агенти го истражуваат инцидентот на местото на настанот.