Украинската војска го напушти ценатрот на Мариупољ за да не ги провоцира проруските сили и да се осигура безбедноста на жителите, соопшти прес службата на Националната гарда на Украина.
Од изутрина сепак е повторно тензично во градот, а според податоците на украинската војска во текот на вчерашниот ден еден нивен припадник е убиен, а четворица се ранети во судирите во близина на полициската станица.
Украинските сили се обидоа да ја заземат зградата во која беа забарикадирани полицајци кои одбија да ги слушаат наредбите од Киев, по што изби пожар во кој изгоре целиот објект.
При влезот во градот жителите се спротивставија на украинската војска со „жив штит“ и ги блокираа оклопните возила извикувајќу „ Овде не може да поминете“. Украинските војници пукаа со предупредувачки истрели, но жителите во Марипол кои се претежно Руси, запленија едно оклопно возило на украинската војска.
Во воената операција во Мариапољ, во регионот на Донјецк, загинаа седумина, а 39 се ранети.