Снежна бура денеска ја зафати западната држава Њујорк, вклучувајќи го и градот Бафало.
Во текот на викендот се очекува да падне повеќе од еден метар снег во градот и другите делови на западната држава Њујорк, јавува Ројтерс.
Во округот Ири, кој го опфаќа градот Бафало, е прогласена вонредна состојба, а возењето е забрането освен во итни случаи.
"CRIPPLING” SNOWSTORM HITS WESTERN NY: The storm is expected to last for several days and could leave Buffalo with as much as five feet of snow. ABC’s Andrew Dymburt has more on the storm’s impact. pic.twitter.com/YuqDrP7TRw
— ABC World News Now (@abcWNN) November 18, 2022
Јавните училишта во Бафало ја откажаа наставата за повеќе од 32.000 ученици, а натпреварот во американски фудбал помеѓу локалните Бафало Билс и Кливленд Браунс беше преместен во Детроит.
Обилните снежни врнежи не се невообичаени за западниот дел на државата Њујорк, кога топлите води на Големите езера Ири и Онтарио доаѓаат во контакт со студениот воздух што доаѓа од Арктикот.