Најмалку 29 лица загинаа откако се урна зграда во изградба во предградието на Мумбаи.
Спасувачките служби спасија 60 лица меѓу кои има две деца, соопшти полицијата.
Екипи работат на извлекување на оние кои останаа под урнатините на бетонот висок околу осум метри.
Се претпоставува дека лошиот градежен материјал е причина за несреќата.
Изградбата на зградата не била легална поради што ќе се спроведе дополнителна истрага.
Во ноември 2010 година, 69 лица ги загубија животите, а 80 беа повредени откако се урна зграда во Њу Делхи, која исто така беше во изградба.
Елена Георгиевска