(ВИДЕО) Руте: Лавров е министер уште од Исус Христос, никогаш не рекол ништо корисно

Од:

Генералниот секретар на НАТО, Марк Руте, го критикуваше рускиот министер за надворешни работи Сергеј Лавров во емисијата на „Фокс њуз“ за неговите неодамнешни коментари за наводниот распад на Алијансата.

Пред неколку дена, од Лавров беше побарано да ги коментира изјавите на неговиот полски колега Радослав Сикорски, кој предвиде колапс на режимот на Путин како резултат на сегашната трка во вооружување. Како одговор, Лавров тврди дека значителното зголемување на буџетот за одбрана на членките на НАТО може да доведе и до распад на Алијансата.

„Бидејќи е таков прогнозер, веројатно гледа дека катастрофалното зголемување на буџетот на земјите-членки на НАТО, според моите проценки, ќе доведе и до распад на таа организација“, рече Лавров.

Коментирајќи ја изјавата на Лавров, Руте го пофали она што го нарече големо достигнување во надворешната политика на американскиот претседател Доналд Трамп и неговата администрација во обезбедувањето зголемување на трошоците за одбрана на НАТО. Тој рече дека Лавров е неважен.

„Лавров е министер за надворешни работи на Русија уште од, мислам, Исус Христос. И оттогаш ништо корисно не излезе од неговата уста. Затоа, да не му обрнуваме премногу внимание на г-дин Лавров“, рече Руте.

Руте, исто така, изрази разбирање за најавите на Белата куќа за прекин на дел од испораките на оружје за Украина поради наводно опасно ниските залихи на воена опрема, но додаде дека Украина не може да се одбрани без оружје од САД.

Европа значително ги зголеми испораките на оружје, но на Украина сè уште ѝ е потребна американска поддршка, рече Руте, додавајќи дека експанзијата на Русија би ја загрозила безбедноста на Европа.

Би можело да ве интересира

Руте: Земји како Бразил, Кина и Индија би можеле да бидат силно погодени од секундарни санкции

Лавров во посета на Северна Кореја, ги затоплува односите Москва – Пјонгјанг

А1он

Рубио по средбата со Лавров: Клучни денови претстојат, Русија мора да ги открие картите

А1он

Лавров: Русија е подготвена да земе високо збогатен ураниум од Иран

А1он

Лавров: За постигнување мир со Украина мора да се исполнат пет услови

Изел премногу „магични печурки“, Меведев ги коментираше изјавите на шефот на НАТО

Катерина Ѓуровски