Лекари во руската Република Дагестан ставиле жена под анестезија за да извлечат змија која влегла во нејзиниот стомак преку устата, додека таа спиела на отворено, јави агенцијата РИА Новости.
Руските медиуми пренесоа дека змијата била долга над еден метар, што се гледа и од објавената снимка од моментот кога лекарите ја вадат змијата од устата на жената.
Уснувшей россиянке заползла в рот огромная змея. Женщину спасли врачиhttps://t.co/yL39tQMKls pic.twitter.com/TjIHmv0Eci
— РИА Новости (@rianru) August 30, 2020
Според РИА Новости, змијата, за која нема информација дали била отровна, доползела до жената и влегла во нејзината отворена уста, додека таа спиела под дрво во нејзиниот двор.
Кога се разбудила, жената почувствувала болки во стомакот, по што веднаш била однесена во болница. Откако лекарите сфатиле дека има нешто живо во неа, тие го извршиле зафатот, со помош на долга цевка ставена во грлото на несреќната жена.