Грузиската владејачка партија денеска соопшти дека бесусловно го повлекува предлог-законот за „странски агенти“ по две ноќи насилни протести против во Тбилиси.
Владејачката партија Грузиски сон во соопштение рече дека „безусловно ќе го повлечеме нацрт-законот што го поддржавме без никакви резерви“, наведувајќи ја потребата да се намали „судирот“ во општеството.
Претходно во текот на ноќта судирите меѓу демонстрантите и полицијата продолжија на улиците на Тбилиси.
Protesters erect barricades. The streets are filled with tear gas. pic.twitter.com/PPOaEb9Va1
— NEXTA (@nexta_tv) March 8, 2023
Демонстрантите ноќеска поставуваа барикади и продолжија да се конфронтираат со полицијата која користеше солзавец и водени топови.
Поддршка за протестите даде и украинскиот претседател Володомир Зеленски.
Контроверзниот закон за странски агенти требаше да ја опфати работата на невладините организации и на медиумите кои во одреден дел се финансирани од странство.