ВИДЕО: Пожар во катедрала на Црвениот плоштад во Москва

Во текот на ноќта избувна пожар во катедралата „Свети Василиј Блажени“ на Црвениот плоштад во Москва, но огнот брзо бил ставен под контрола, јави руската државна новинска агенција ТАСС.

Следете a1on на Instagram

Причината за пожарот во православниот храм, еден од најпрепознатливите симболи на руската престолнина, засега не е соопштена. Подоцна беше потврдено дека пожарот е целосно изгаснат.

FIRE CREWS RESPOND TO SMOKE AT ICONIC MOSCOW CATHEDRAL

Smoke was detected at St. Basil’s Cathedral in central Moscow. A total of ten fire engines were sent to the location, eyewitnesses reported. https://t.co/4uysaQdlob pic.twitter.com/311tQ9bqKe

— Russian Market (@runews) July 31, 2026

Според ТАСС, повикувајќи се на службите за итни случаи, пожарот избувнал во канцеларијата на управителот на катедралата, при што изгореле околу 10 квадратни метри.

Следете a1on на Youtube

Според првичните информации, нема загинати или повредени. На местото интервенирале 10 противпожарни возила.

Катедралата „Свети Василиј Блажени“, изградена во средината на 16 век, е едно од најзначајните архитектонски обележја на Москва. Од 1990 година, заедно со Кремљ и Црвениот плоштад, се наоѓа на Листата на светско културно наследство на УНЕСКО.