Најмалку 25 лица загинале во невремето и поплавите во североисточна Кина во текот на последната недела, соопштија кинеските власти и државни медиуми.
Властите во провинцијата Хејлунчан соопштија дека природната катастрофа веќе го однела животот на 11 лица од областа, а тројца се водат за исчезнати.
Според Ксинхуа, бројот на жртви во соседната провинција Чилин вчера нараснал до 14.
Државната агенција забележува дека поплавите во регионот се најтешки во последните неколку децении.