Најмалку деветмина се повредени во земјотресот со јачина од 6,6 степени според Рихтеровата скала што доцна синоќа погоди широка област на западна Јапонија, а нема предупредување за цунами, јавија утринава јапонските медиуми.
Земјотресот во 23 часот и 14 минути по локално време беше почувствуван најсилно во префектурите Ехиме и Кочи во регионот Шикоку.
The video of the earthquake that just happened in Japan. So far, there have been no reports of major damage. pic.twitter.com/sCCanipgVy
— kouji (@yoyonofukuoka) April 17, 2024
Официјални лица велат дека земјотресот бил со јапонска сеизмичка скала од нула до седум степени, што го прави најсилниот земјотрес во областа од воведувањето на сегашниот систем за мерење во 1996 година, според Јапонската метеоролошка агенција, пренесува Кјодо.
Според локалните власти и противпожарните служби, шест лица во префектурата Ехиме и едно лице во префектурата Кочи се здобиле со полесни повреди, додека двајца се повредени во префектурата Оита во регионот Кјушу во југозападна Јапонија.
Железницата соопшти дека утрово се откажани брзите возови на некои линии.
6.6 Earthquake Hit Shikoku, Japan#earthquake #terremoto #quake #tsunami
Long Version:https://t.co/dz6uHVX92S pic.twitter.com/EVvJ1w9Pgp— Meteor News (@FishNewsChannel) April 17, 2024
Во Сукум привремено се евакуирани 23 лица, додека водоснабдувањето во градот е прекинато поради пукање на цевки на многу локации.
Нуклеарните централи во областа се стабилни и не се забележани поголеми проблеми.
Властите повикаа на претпазливост, велејќи дека регионот најверојатно ќе биде погоден од нови потреси во текот на следната недела, јавува јапонската јавна телевизија NHK.
Силен земјотрес со јачина од 6,3 степени по Рихтер вчера во 16:14 часот ја погоди јужна Јапонија, а епицентарот на земјотресот бил каналот Бунго, теснецот што ги дели јапонските острови Кјушу и Шикоку.
TWO
STRONG
EARTHQUAKES
STRIKE SOUTHERN JAPAN—Strong earthquake magnitude 6.3 shakes southern Japan 🇯🇵 25 km deep.
—NOW. An earthquake of magnitude 6.4 and maximum intensity 6- Shindo shook southeastern Japan at 23:14 local time (14:14 UTC) with the epicenter 15.5 km WEAR OF… pic.twitter.com/yZ0hPxAIX0
— ZetaTalk Followers: Watch X, Planet X, aka Nibiru (@ZT_Followers) April 18, 2024
Земјотресот е регистриран на длабочина од 26 километри, на 17 километри од Уваџима.
Во истото подрачје само десет минути подоцна е регистриран уште еден земјотрес со јачина од 4,3 степени, а потоа и неколку послаби, објавено е на веб-страницата на Европско-медитеранскиот сеизмолошки центар (EMSC).