Кабинетот на белорускиот претседател демантира дека хеликоптерот што слета пред Палатата на независноста требало да го евакуира Александар Лукашенко.
Lukashenko, the dictator of #Belarus who's currently under huge pressure from the people to step down, arrives at his home carrying a rifle, minus the magazine… pic.twitter.com/CuQMno4RCa
— Jake Hanrahan (@Jake_Hanrahan) August 23, 2020
Според Кабинетот, Лукашенко не е евакуиран туку со хеликоптер пристигнал во својата резиденција. На социјалните медиуми објавена е снимка како Лукашенко се симнува од хеликоптер, носи панцир, а во раката држи пушка.
Претходно дел од белоруските медиуми објавија дека хеликоптер слета на територијата на Палатата и претпоставуваа дека со него ќе биде евакуиран Лукашенко.
Според објавите на социјалните мрежи на денешниот протест во Минск учествуваат повеќе од 250.000 луѓе, додека според проруските агенции бројот на демонстранти изнесува 70.000.
Во меѓувреме формиран е „Синџир на слободата“ долг 30 километри од главниот град на Литванија, Вилнус до границата со Белорусија. На демонстрантите им се придружи и поранешната литванска претседателка Далија Грибускајте.