Москва преместува дополнителни сили во регионот Курс за да се спротивстави на украинските војници, соопшти руското Министерство за одбрана.
Да потсетиме, украинските сили во вторникот ја нападнаа областа Курск. Ова е најдлабокиот украински упад на руска територија.
Колони со повеќецевни ракетни системи „Град“, артилерија и тенкови се упатија кон областа каде Украина изврши прекуграничен упад. Во средата Русија прогласи вонредна состојба во областа Курск.
Борбите во моментов се водат на неколку десетици километри од Курчатов, град во јужна Русија каде се наоѓа нуклеарната централа Курск, потврди градоначалникот Игор Корпунков во објава на Телеграм.
🤔 Russian MoD published footage of the deployment of units to "build up forces conducting combat operations against AFU in Sudzha district of Kursk Region. pic.twitter.com/0YGQV7Hj13
— MAKS 24 🇺🇦👀 (@Maks_NAFO_FELLA) August 9, 2024
Корпунков нагласи дека сите служби и капацитети, особено градската администрација, работат вообичаено. Тој ги повика мештаните да не паничат.
Јас сум во градот, во мојата канцеларија и ја имам ситуацијата под контрола“, рече тој.
Tactical Update 🧵(1/12)
Geolocated footage and Russian claims indicate that Ukrainian forces continued rapid advances further into Kursk Oblast on August 8, and Ukrainian forces are reportedly present in areas as far as 35 kilometers from the international border with Sumy… https://t.co/9dC8Fg0eDe pic.twitter.com/krehj0KL6c
— Institute for the Study of War (@TheStudyofWar) August 9, 2024
Некои руски воени блогери, вклучувајќи го и рускиот воен дописник Александар Сладков, шпекулираат дека украинските сили планираат да ја преземат контролата врз нуклеарната централа Курчатов. Украина не ги коментираше настаните во регионот Курск.
Експертите на Институтот за проучување на војната (ISW), анализирајќи ги собраните податоци, го потврдија напредувањето на украинските сили до 10 километри длабоко во областа Курск.