Можеби изгледа дека режимот на Асад брзо се распадна во текот на само неколку дена, но тоа беше предизвикано од многу фактори.
Армијата на сирискиот претседател Башар ал Асад е десеткувана од повеќегодишна војна, изјави Дара Кондуит, политиколог од Универзитетот во Мелбурн, специјализиран за Сирија.
Главните сојузници на Асад – Русија, Иран и Хезболах, исто така се преокупирани со сопствени конфликти, изјави Кондуит за Би-Би-Си.
„Асад беше во особено слаба позиција“, вели таа.
Сепак, она што се случи преку ноќ е „ништо помалку од извонредно“, вели Кондуит.
Не многу долго откако бунтовничките сили го зазедоа третиот по големина град во Сирија, Хомс, тие маршираа во главниот град Дамаск. Потоа беше објавено дека Асад заминал со авион на непозната локација.