Папата Франциск, кој се опоравува од билатерална пневмонија, денеска направи уште едно неочекувано излегување, отиде во базиликата Света Марија Велика да се помоли, објави прес-службата на Ватикан на Telegram.
Whether he’s your favorite pope or not, or even if you don’t like popes in general, please pray for Pope Francis. He came out unexpectedly today to greet and bless some people. God be with us.
pic.twitter.com/VHwtuisUpm— Fr. Chris Vorderbruggen (@FatherChrisVor1) April 11, 2025
Папата „во раните попладневни часови отиде во базиликата Света Марија Велика и се помоли пред иконата на Богородица во пресрет на Цветници и Страсната седмица“, соопшти Ватикан.
88-годишниот папа, кој се опоравува од пневмонија, во последните денови имаше неколку изненадувачки појави.
Франциск во неделата неочекувано се појави за првпат пред базиликата Свети Петар за да ги поздрави верниците, пред да го прими кралот на Англија, Чарлс III, во средата на приватна аудиенција, иако нивната средба првично беше откажана.
Тој во четвртокот ја посети и базиликата Свети Петар за да изврши увид во реставраторските работи и да се поклони на гробот на Пие X, поздравувајќи ги верниците и реставраторите.