Голем пожар избувна во хотелот„ Нуево“ во Мадрид, а снимките покажуваат како високи пламени јазици и столб од црн чад се издига од маркантната висококатница во шпанскиот главен град. Може да се забележи дека дури и буквите на таблата на покривот на хотелот се во оган.
Хотелот се наоѓа веднаш до северниот дел од главната обиколница М-30 во Мадрид. Првичните извештаи на шпанските медиуми наведуваат дека сè уште нема индиции за причината за пожарот, ниту дали има повредени.
Најмалку пет противпожарни екипи се обидуваат да ја скротат огнената стихија.
Отворен во 2005 година, хотелот со 225 соби е познат по својот импресивен атриум висок 40 метри.