Сириски воен хеликоптер се запали, а потоа се урна во Дамаск во населбата каде што се водат жестоки борби помеѓу владините сили и бунтовниците.
Сеуште не може точно да се утврди поради што падна хеликоптерот бидејќи се контрадикторни информациите на војската и бунтовниците.
Сириската војска тврди дека хеликоптерот паднал поради технички проблеми, додека бунтовниците изјавија дека го собориле со оган од земја.
Ниту од видео снимката не може да се утврди зашто е паднат хеликоптерот, бидејќи се гледа само како е запален пред да падне на земја.
Минатиот месец бунтовниците тврдеа дека собориле авион „миг-23“, но војската повторно посочи дека се работи за техничка проблем.