Двајцата пилоти загинаа кога малиот товарен авион на тренинг лет удри во празна зграда веднаш по полетувањето од аеродромот во Хонолулу во американската сојузна држава Хаваи и се запали, соопштија властите.
#Virales | Una avioneta Cessna 208 de Kamaka Air se estrelló contra un edificio vacío ubicado en inmediaciones del aeropuerto de Honolulu, #Hawai. Los dos tripulantes perdieron la vida #apartadomex pic.twitter.com/9oIslrLiXk
— apartadomex (@ApartadoMex) December 18, 2024
Никој друг не е повреден во инцидентот, соопшти противпожарната служба во Хонолулу. Американската федерална управа за авијација објави дека едномоторната Цесна 208 на компанијата Камака Ер заминала за аеродромот Ланаи, кој се наоѓа во округот Мауи.
✈️ Two pilots were lost their life when a Kamaka Air Cessna 208 crashed into an abandoned building near Daniel K. Inouye International Airport in Honolulu on Tuesday afternoon, causing flames and smoke. The plane was on a training flight at the time. #Honolulu #PlaneCrash pic.twitter.com/XID2hjTqEr
— Saint George Insurance Brokerage Inc. (@SaintGeorgein) December 18, 2024
Инцидентот се случил во вторникот околу 15:15 часот по локално време, се вели во соопштението на Федералната управа за авијација.
На видеото се гледа како авионот се свртува накосо во областа на аеродромот на мала височина пред да удри во зградата, оставајќи зад себе густ, црн облак од чад, пренесува ABC News.
Компанијата „Камака ер“ потврди дека нејзините двајца пилоти загинале во несреќата, но не ги соопштија нивните имиња.
Американската федерална управа за авијација и Националниот одбор за безбедност на транспортот го истражуваат инцидентот, според ABC News.