Поранешниот американски претседател Доналд Трамп верува дека би можел да стави крај на војната во Украина со притисок врз Киев да се откаже од некои територии, објави денеска „Вашингтон пост“, повикувајќи се на неименувани извори.
Планот на Трамп, наводно, се состои од притисок врз Украина да се откаже од Крим и Домба на Русија.
Трамп претходно изјави дека доколку биде избран за претседател на САД на претстојните ноемвриски избори, може да посредува во преговорите меѓу Русија и Украина и да донесе мир за помалку од 24 часа.
Изворите тврдат дека Трамп смета дека Русија и Украина „сакаат да го спасат образот и бараат начин да го прекинат конфликтот“, а населението на Донбас и Крим би било подобро да живее под руска власт.