Земјотрес со интензитет од 5,9 степени според Рихтеровата скала денеска е регистриран во североисточниот дел на Јапонија.
Епицентарот на земјотресот бил во Тихии Океан, на длабочина од 10 километри, североисточно од префектурата Ивате.
Нема информации за повредени луѓе и причинета материјална штета. Не е објавено предупредување од појава на цунами.
На 17 февруари во истиот регион регистрирани се неколку силни земјотреси, кои предизвикаа цунами, чии бранови беа од 10 до 20 сантиметри.