Украинските војници денеска извеле артилериски напади врз станбени квартови во Луганск, соопшти ИТАР-ТАСС, цитирајќи го штабот на проруските доброволци во самопрогласената „Луганска Народна Република“ (ЛНР).
Според податоците на штабот, контиунираниот напад бил изведен со ракетните системи „Град“.
„Во градот горат неколку згради, има ранети, по улиците завиваат возилата на брзата помош. Според очевидци, цел на нападот била фабриката за акумулатори, што се наоѓа во близина на автобуската станица. Жителите итно бегаат во засолништата или го напуштаат реонот на гранатирањето, соопштија од штабот.
ИТАР-ТАСС јавува и за неколку експлозии во реонот на аеродромот.
Според податоците на прес службата на „ЛНР“, украинските сили ги гранатирале и реоните крај градовите Краснодон, Свердловск и граничниот премин „Изварино“ на границата со Русија.