Украинската централна банка соопшти дека ја затворила својата филијала во Доњецк и го евакуирала персоналот по заканите од локалните сепаратисти, кои барале пари.
– Претставници на самопрогласената Доњецка народна република побарале поголема парична сума и се заканија дека доколку бидат одбиени ќе „ја прочистат локалната филијала“ на Централната банка, се наведува во изјавата на финансиската институција.
– За да ги заштитиме животите на нашите вработени беше одлучено да се спроведе евакуација на персоналот и да се стопираат трансакциите во Доњецката област, се додава во соопштението.
Голем дел од Доњецката област е под контрола на проруски вооружени бунтовници. Доњецката и соседната, Луганска област прогласија независност по референдумите во неделата.