Покрај тврдењата дека офанзивата на укринската војска на југоисток на државата претрпела неуспех, еден од лидерите на партијата Татковина и пратеник во Врховната Рада, Сергеј Соболев рече дека армијата користи герилски метод за борба против сепаратистите.
-Нашите вооружени единици искористија партизанска метода и директно влегоа во делови, кои моментално ги контролираат единици на руската армија и сепаратисти- рече Соболев во намера да објасни од каде руски знамиња се најдоа на укрински воени возила, пренесуваат украинските медиуми.
Тој се повика на информациите кои, како што рече ги добил од Министерството за одбрана, демантирајќи дека оклопни возила на украинската војска паднале во раце на проруската „народна полиција“.
Заменикот на актуелниот премиер на Украина, Виталиј Јарем соопшти дека владата ги проверува информациите за премин на украински војници на спротивната страна.
Е. Г.