Во изминатите 24 часа во борбите со проруските сили загинаа 15 украински војници, изјави денеска портпаролот на украинската војска.
Според податоците на Обединетите нации во конфликтот меѓу украинските и проруските сили досега загинаа вкупно 2.600 лица, од кои околу 800 украински војници.
Агенцијата на ОН за бегалци денеска исто така соопшти дека како последица на судирите во источна Украина еден над еден милион лица ги напуштиле своите домови. Од нив 260 илјади се интерно раселени, додека 814 илјади избегале во Русија.
Претседателот на Украина Петро Порошенко вчера изјави дека тој конфликт, кој трае веќе пет месеци, драматично се влошил, откако на проруските сили во борбите им се придружиле руските сили.