Украина ќе наложи санкции на руски граѓани и компании, кои директно или индиректно ги поддржуваат „терористите“, изјави премиерот Арсениј Јацењук, јави ИТАР-ТАСС.
Станува збор за руски функционери и компании, кои ги поддржуваат сепаратистичките Луганска народна република и Доњецка народна република.
Јацењук истакна дека наложил да биде формирана комисија, која за десет дена ќе предложи список на лица и компании, кои ќе бидат опфатени со ограничувачките мерки.
Тој истакна дека станува збор за список со индивидуални санкции врз физички лица, функционери на Руската федерација, како и за санкции врз одделни компании.