Украина утре избира нов претседател . Гласањето во недела ќе покаже дали кризата ќе се смири или ќе значи ново разгорување на немирите.
Во рингот влегоа 17 кандидати. Главен фаворит е познатиот магнат Петро Порошенко, кој е поддржан од партијата УДАР на Виталиј Кличко. Во игра е и поранешната премиерка Јулија Тимошенко од партијата Татковина и пратеникот Серхиј Тихопко од Партијата на регионите.
Ситуацијата во Украина од час во час се менува. На едниот крај е мирно, како да ќе нема избори, скоро и да нема изборна кампања. На истокот врие. Убиства, пукање, напнатост.
Од новоформираната Доњецка народна република велат дека нема да дозвола одржување на украинските претседателски избори на своја територија.
Меѓународната заедница со внимание ги следи настаните и го очекува исходот од изборите.
Меѓународните набљудут вачи, вкупно 2.784 ќе ја следат атмосферата и законитоста на гласањето и сумирањето на резултатите. Европската мрежа ENEMO има акредитирано 382 набљудувачи, од нив Граѓанската асоцијација МОСТ има 16 краткорочни набљудувачи, распоредени во неколку градови, заменик шеф на мисијата, еден долгорочен набљудувач и еден статичен кој ги обработува резултатите добиении од набљудувањето на изборниот ден.