Шеснаесет сириски војници загинаа утринава во судирите со бунтовниците во провинцијата Алеп, во северна Сирија, објави организацијата за човекови права.
Оваа организација, чие седиште е во Лонцон, исто така забележува дека „одреден број на војници” дезертирале во регионот по бунтовничкиот напад врз ескадрилата. Бунтовниците заплениле и многу оружје, се наведува во соопштението.
Aлеп е втора по големина провинција во Сирија. Долго време е надвор од бунтот што започна во март 2011 година, но потоа постепено се вклучи под влијание на студентите.
Илјадници луѓе, речиси секојдневно протестираат во Алеп и околината и бараат разрешување на режимот.