Турција денес го искритикува американскиот државен секретар Џон Кери, поради тоа што јавно му порача на турскиот премиер Таип Ердоган во мај да не оди во појасот на Газа.
Ердоган имаше намера по посетата на Вашингтон да ја посети и Газа.
Меѓутоа Кери на конференцијата за медиумите во Истанбул, го повика Ердоган да ја одложи посетата на Газа, бидејќи не е вистинското време за тоа.
Заменикот на турскиот премиер Булент Аринц денес изјави дека изјавата на Кери е дипломатски проблематична.
Според зборовите на Аринц, на турската влада е да одлучи што ќе направи и дека на неговата држава не и се потребни дозволи од никого.
Заменикот на премиерот исто така истакна дека датумот за посета на Газа се уште не е одреден.
Елена Георгиевска