Претседателот на Врховната рада и в.д. шеф на државата Олександр Турчинов побара денеска од безбедносните структури да ја обноват „антитерористичката операција“ на истокот на Украина, бидејќи „терористите демонстрантивно ги занемариле Женевските договори“.
– Барам од безбедносните структури обновување и спроведување ефикасни антитерористички активности, насочени на заштита на украинските граѓани кои живеат на истокот на Украина од терористите, рече Турчинов.
Според него, „терористите, кои го држат како заложник целиот Доњецки регион, ја преминаа границата“, така што „почнаа да мачат и убиваат патриотите на Украина“.
– Тие дрско упатија предизвик не само на нашата држава, туку и на целата меѓународна заедница, кога демонстративно ги прекршија одлуките донесени во Женева, рече Турчинов.