Активностите на проруските бунтовници во Источна Украина ставаат крај на договорот од Женева, што требаше да доведе до намалување на тензиите во Украина, изјави вршителот на должноста претседател на Украина Олександар Турчинов пред американскиот потпретседател Џо Бајден.
Наместо да се резоружаат и да ги ослободат окупираните административни згради, сепаратистите ја заземаа зградата на полицијата и го заробија началникот на полицијата во Краматорск, што става крај на Женевскиот договор, изјави Турчинов.
За жал Русија и нејзините терористички делови во Украина отворено одбиваат да го исполнат постигнатиот во Женева договор, потпишан на 17 април од Украина, Русија, САД и ЕУ, истакна тој.