Тројца жители на украинскиот град Славјанск загинаа изминатата ноќ во напад на непознати лица на еден од контролните пунктови во северниот дел на градот.
Едно лице е хоспитализирано во критична состојба.
Во моментот на нападот врз пунктот имало само невооружени локални жители, кои вообичаено вршат контрола на возилата кои влегуваат во градот и ги предупредуваат силите за самоодбрана ако се појават воени единици.
Кон местото се приближиле неколку возила, од кои бил отворен оган. Таму пристигнале борците за самоодбрана и убиле двајца од напаѓачите. Во двете возила тие откриле симболи на движењето „Десен сектор“ и големо количество оружје, кое што не е вооружување на украинската армија, јавија локални медиуми.