Поранешниот американски претседател Доналд Трамп се изјасни за невин по сеопфатното кривично обвинение во Џорџија поврзано со неговите обиди да го поништи неговиот изборен пораз во 2020 година, се вели во судската пријава. Ова изјаснување значи дека Трамп, фаворит за републиканска номинација во 2024 година, нема лично да се појави во Окружниот суд Фултон во Атланта следната недела за да се соочи со обвиненијата.
Обвинителката на округот Фултон, Фани Вилис, го обвини Трамп за 13 кривични дела, вклучително и рекетирање. Обвинението го товари дека вршел притисок врз владини претставници да го поништат неговиот изборен пораз во 2020. Ова е четврто обвинение против Трамп откако ја започна својата кампања за претседателската функција.
„Како што е потврдено од мојот потпис подолу, со ова се изјаснувам дека не сум виновен за тоа што сум обвинет во овој случај“, рече Трамп денеска во писмена изјава во Врховниот суд на округот Фултон. Трамп, кој ќе се кандидира за претседател во 2024 година, веќе влезе во историјата како прв поранешен претседател на САД кој се соочил со кривични пријави, не еднаш, туку четири пати.