Претседателот на САД, Доналд Трамп изјави дека сакал да го „елиминира“ сирискиот претседател Башар ал Асад во 2017 година, но тогашниот секретар за одбрана Џејмс Матис се спротиставил на операцијата.
– Бев повеќе за тоа да се отстрани. Се беше подготвено за тоа. Матис не сакаше да го направи тоа. Матис беше многу преценет генерал и го пуштив да замине, истакна Трамп за телевизијата „Фокс њуз“.
Трамп истакна дека Матис бил „лош лидер“.
– Беше грозен кон мене, беше грозен генерал, посочи Трамп.
Тој исто така го обвини пензионираниот генерал дека не успеал да ја победи Исламска држава во Ирак и во Сирија.
– Се отарасив од ИСИС кога тој замина. Направив сјајна работа во врска со ИСИС, 100 отсто се отарасив од калифатот, посочи Трамп.
Матис поднесе оставка од функијата во 2018 година.