Американскиот претседател Доналд Трамп денеска на својата социјална мрежа Truth Social напиша дека имал „долг и многу продуктивен разговор“ со рускиот претседател Владимир Путин, за време на кој се согласиле „веднаш“ да започнат мировни преговори во Украина.
„Се договоривме да работиме заедно, многу тесно, што вклучува меѓусебни посети во нашите земји“, напиша претседателот на САД додавајќи дека „веднаш“ ќе го информира украинскиот претседател Володимир Зеленски за неговиот разговор со рускиот лидер.
Кремљ објави дека Путин и Трамп разговарале речиси час и половина и се договориле да се сретнат, пренесува Ројтерс.
Руската новинска агенција ТАСС пишува дека Путин го поканил Трамп во Москва.
Тоа е првиот познат директен контакт на Путин со американски претседател од февруари 2022 година, кога тој разговараше со поранешниот претседател, Џо Бајден.