Американскиот претседател Доналд Трамп денес побара Иран веднаш да ги отстрани сите подводни мини поставени во Ормутскиот теснец или, во спротивно, да се соочи со воени поседи што „никогаш порано не се видени“.
Во објава на социјалната мрежа Truth Social, Трамп побара Иран веднаш да ги отстрани сите подводни мини.
„Доколку Иран поставил какви било мини во Ормутскиот теснец, а немаме извештаи за тоа, сакаме тие да се отстранат и тоа веднаш. Доколку од која било причина мините не се отстранат веднаш, воените последици за Иран ќе бидат на ниво што никогаш порано не е видено. Но, ако се отстранат, тоа ќе биде огромен чекор во вистинската насока“, се вели во соопштението на Трамп.