Трамп: Нема да има напредок во мировните преговори додека лично не се сретнам со Путин

Од:

Американскиот претседател, Доналд Трамп, денеска изјави дека нема да биде постигнат напредок во мировните преговори за Украина сè додека тој лично не се сретне со претседателот на Русија, Владимир Путин.

– Ништо нема да се случи додека не се сретнеме со Путин, им рече Трамп на новинарите во „Ер Форс Уан“ кратко пред слетувањето во Дубаи, третата станица од неговата посета на Блискиот Исток – јавија британските медиуми.

Според изјавата на шефот на турската дипломатија, Хакан Фидан, руската и американската делегација пристигнале во Истанбул, додека украинската делегација не, јавија турските медиуми.

Наведувајќи дека Турција придонела во мировниот процес од самиот почеток и дека оваа поддршка ќе продолжи, Фидан го привлече вниманието на важноста на медијаторските активности и дека во процесот треба да бидат вклучени и меѓународни актери.

Изразувајќи ја својата оценка за војната меѓу Русија и Украина, Фидан изрази надеж за траен мир. Наведувајќи дека американската делегација е исто така во Истанбул, Фидан изрази став дека двете страни, и Русија и Украина, треба да направат одредени отстапки во процесот на прекин на огнот.

Би можело да ве интересира

Трамп сака да го понижи Макрон: Изјавата дека ќе ја признае Палестина нема тежина

Трамп: Сакав да ја скршам Nvidia, дури и не знаев кои се тие

А1он

Трамп бара 10 милијарди долари отштета од „Волстрит џурнал“ – вели честитката до Епштајн е клевета

А1он

Претседателот на Бразил: Трамп не беше избран да биде император на светот

А1он

Трамп: Воена опрема вредна милијарди долари ќе биде испратена во Украина

А1он

Конечен извештај за атентатот на Трамп: Серија пропусти и недисциплина во Тајната служба