Американскиот претседател Доналд Трамп за време на заедничката прес-конференција со австралискиот премиер Ентони Албанезе во Белата куќа рече дека Украина „сè уште може да ја добие војната“, но дека тој лично не верува во таков исход. Тој зборуваше и за американските напади врз Иран, кои ги опиша како „една од најголемите воени операции на сите времиња“ и за големиот број војници убиени во војната во Украина.
На прашањето од новинарите за неговата претходна изјава дека Украина „може да ја добие војната“, Трамп рече:
„Па, тие би можеле. Сè уште би можеле да победат. Не мислам дека ќе победат, но сепак би можеле да победат. Никогаш не реков дека ќе победат, реков дека можат да победат. Сè може да се случи. Знаете, војната е многу чудна работа. Се случуваат многу лоши работи, се случуваат многу добри работи“.
🥴Donald Trump: Ukraine can still win. I don’t think they will win, but they still could. I never said they would win. I said they could win. Anything can happen. You know, war is a very strange thing. pic.twitter.com/Ci50dCBbwL
— 🪖MilitaryNewsUA🇺🇦 (@front_ukrainian) October 20, 2025
Зборувајќи за ситуацијата на Блискиот Исток, тој додаде дека САД не би можеле да го постигнат неодамнешниот договор доколку не извршија напад врз нуклеарните постројки на Иран.
„Ако го погледнете Блискиот Исток, би рекол дека пред да го погодиме Иран толку силно, никогаш не би можеле да го постигнеме тој договор бидејќи ќе имаше темна сенка врз Блискиот Исток. Кога ги отстранивме нивните нуклеарни капацитети, што беше една од најголемите воени операции на сите времиња, без пропусти. Го видовте тоа. Оние величествени Б-2. Тоа беше беспрекорен потег од многу талентирани луѓе, предводени од Пит и сите други и нашите големи генерали, особено генералот Рејзин Кејн. Направивме одлична работа и кога тоа се случи, сè се промени и успеавме да постигнеме договор“, рече Трамп.