Трамп: ЕУ е инструмент на Германија, а по Британија, и други ќе ја напуштат Унијата

Од:

Доналд Трамп оцени дека Европската Унија станала инструмент за Германија и дека по Велика Британија, и други земји членки ќе ја напуштат Унијата.

Во заедничко интервју за најтиражниот германски весник „Билд“ и за британскиот весник „Тајмс оф Лондон“, Трамп вели дека германската канцеларка Ангела Меркел е најмоќниот европски лидер, но дека направила „катастрофална грешка“ примајќи повеќе од милион бегалци.

„Ако ја погледнете ЕУ, тоа е суштински инструмент за Германија“изјави Трам.

Трамп изразил уверување дека Брексит не би се случил доколку земјите на ЕУ, со сите сопствени проблеми, не биле принудени да прифатат толкав број беглаци. Тоа, според него, била последната капка што ја прелеала чашата.

Тој оцени дека Велика Британија постапила паметно кога одлучила да излезе од ЕУ.

„Земјите сакаат свој идентитет и Обединетото Кралство го сака својот идентитет. Луѓето не сакаат други да им доаѓаат и да им ја уништуваат земјата. Во оваа земја (САД) ќе имаме многу јаки граници од денот кога ќе дојдам на функција“ рече Трамп, оценувајќи дека и други земји од ЕУ ќе тргнат по патот на Британија.

Би можело да ве интересира

Потегот на Трамп ќе го принуди Киев да бара мир, прва реакција на Кремљ

Украински функционер го спореди прекинот на американската воена помош со попуштањето на Хитлер во 1938 година

Европа го подготвува најрадикалниот потег против Кремљ од почетокот на војната во Украина

Катерина Ѓуровски

Што ќе значат новите царини за економиите на САД, Канада и на Мексико

Катерина Ѓуровски

Канада може да го прекине пристапот на САД до енергенси

САД малку повеќе помагале воено, Европа многу повеќе и помагала на Украина финасиски