Најмалку 10 лица се ранети денеска кога тинејџер вооружен со пушка отвори оган по тепачка за време на приватна забава во државата Флорида, соопштија американските власти.
Чувар веднаш го соборил и разоружал напаѓачот, а друг чувар му ставил лисици на рацете додека не пристигнале замениците на шерифот, соопшти канцеларијата на шерифот на округот Семинол, пренесе АП.
Ниту една од жртвите не претрпела опасни , се вели во соопштението на шерифот, додавајќи дека 10 лица биле примени во локалната болница поради прострелни рани, главно под половината.
Осомничениот на возраст од 16 години е уапсен и однесен во Центар за малолетници.
Против него е поднесена кривична пријава за убиство во обид, пукање од оружје на јавно место и недозволено поседување огнено оружје.
Пукањето се случило за време на ноќна забава во Сендфорд, на околу 30 километри северно од Орландо.