Поранешната премиерка и актуелен кандидат за претседател на Украина Јулија Тимошенко предложи на 15 јуни, за кога е предвиден евентуален втор круг од претседателските избори, да биде спроведен референдум за приклучување на земјата кон НАТО, пренесува ИТАР-ТАСС.
Според Тимошенко „неопходно е да се преземе стратегиско решение“.
– Тоа решение е влез на Украина во системот за колективна безбедност и одбрана на НАТО, истакна таа.
Сепак, никој политичар нема право да носи такво стратешко решение без волјата на народот. Затоа предлагам на 15 јуни, заедно со вториот круг на претседателските избори, да биде спроведен и историски, судбоносен референдум за приклучување на Украина во НАТО, изјави Тимошенко.