Султанот на Брунеи, Хасанал Болкиах го продолжи денеска мораториумот на смртната казна во најавениот закон, кој забранува истополни сексуални односи, обидувајќи се да ги смири острите реакции ширум светот, особено на ѕвездите како што Елтон Џон и Џорџ Клуни.
Малата југоисточна азиска земја предизвика огромно незадоволство кога на 3 април ја изнесе својата интерпретација на исламските шеријатски закони, воведувајќи драконски законски казни, меѓу кои и каменување до смрт на хомосексуални лица доколку бидат фатени за време на љубовен чин.
Брунеи го бранеше своето право да го спроведе законот, чии први елементи се усвоени во 2014 година, а оттогаш се воведени во фази.
Во еден од ретките одговори на критиките, султанот изјави дека смртната казна нема да биде применувана во спроведување на шеријатскиот кривичен закон.