Султанатот Брунеи, една од најбогатите држави со над 60.000 долари по глава на жител, денеска организираше тридневен саем за вработување, а причина е загриженоста на тамошните власти од бројката на 12.200 невработени. Во султанатот, богат со резерви на нафта, гас и реки драгоцени минерали има нешто повеќе од 205.000 вработени, од кои половината се странски државјани.
Загарантираниот социјален и материјален статус на државјаните на Брунеи, според министерот за внатрешни работи Јанг Берхормат Пехин е основна причина за незаинтересираноста на брунеиците да аплицираат за работа, но државата сака да го смени тој став и да ги мотивира помладите да учат и бараат работа.
Најмногу вработени во Брунеи има во индустријата и рударството. Со земјоделство се занимава само 4 посто од населениет, а една третина брунеици се вработени во банкарскиот сектор, осигурувањето и туризмот.