Судот пресуди за незаконските царини на Трамп, тој вели – царините остануваат

Од:

Американски апелационен суд одлучи дека најголемиот дел од тарифите кои неодамна беа воведени од страна на претседателот на САД, Доналд Трамп, се нелегални.

Во текот на неговиот мандат, Трамп ги направи тарифите клучен дел од американската надворешна политика, користејќи ги за политички притисок со цел да издејствува поповолни трговски услови со државите кои извезуваат во САД.

Одлуката на Американскиот апелационен суд во Вашингтон се однесуваше на легитимноста на т.н. реципрочни“ тарифи на Трамп, кои тој ги воведе во февруари против Кина, Канада и Мексико, а во април и кон повеќето други земји во светот.

Пресудата на судот не влијае на тарифите воведени врз основа на други законски овластувања, како што се тарифите на Трамп за увоз на челик и алуминиум. Се очекува случајот да биде обжален до Врховниот суд на САД.

Трамп го оправда воведувањето на тарифите со Законот за меѓународни вонредни економски овластувања (IEEPA) кој на претседателот му дава авторитет за справување со необични и вонредни“ закани за време на национални вонредни ситуации.

Во април, Трамп прогласи национална вонредна состојба поради фактот што САД веќе со децении повеќе увезуваат отколку што извезуваат, па смета дека огромниот трговски дефицит ги поткопува американските производствени капацитети и воената подготвеност.

Апелациониот суд одлучи во два случаи еден што беше покренат од страна на пет мали американски компании, а другиот од 12 американски сојузни држави предводени од демократите, кои тврдат дека IEEPA не дозволува воведување на тарифи. Според тужбите, Уставот му дава овластувања на Конгресот, а не на претседателот, за воведување на даноци и тарифи, а секое делегирање на тоа овластување мора да биде и експлицитно и ограничено.

На 28 мај, Американскиот суд за меѓународна трговија со седиште во Њујорк пресуди против царинската политика на Трамп, велејќи дека претседателот ги надминал своите овластувања кога ги вовел двата спорни пакета тарифи. Друг суд во Вашингтон одлучи дека IEEPA не ги одобрува тарифите на Трамп, а владата исто така се жалеше на таа одлука. Најмалку осум тужби ја оспорија царинската политика на Трамп, вклучувајќи и една поднесена од Калифорнија.

Набрзо по пресудата на Апелациониот суд, Трамп преку социјалните мрежи порача дека таа пресуда е неточна и оти тарифите остануваат во сила. Сите царини остануваат во сила! Денеска еден високо пристрасен Апелациски суд неточно рече дека нашите царини треба да бидат укинати, но тие знаат дека Соединетите Американски Држави на крајот ќе победат“, нагласи Трамп.

Би можело да ве интересира

Трамп се расправаше со премиерот на Индија, сака да го номинираат за Нобелова награда

А1он

ВИДЕО: Познатиот музичар го нападна Доналд Трамп во неговата нова песна: „Голем криминал“

Трамп не е задоволен, но не е ниту изненаден од рускиот напад врз Киев

А1он

Трамп: Џорџ Сорос и неговиот син треба да бидат обвинети за поддршката на насилните протести

А1он

Претседателот на Азербејџан: Трамп ја заслужува Нобеловата награда за мир

А1он

Трамп: Ако некој убие некого во Вашингтон, ќе бараме смртна казна

А1он