Стотици Израелци протестираа синоќа против премиерот Бенјамин Нетанјаху пред неговата резиденција на Ерусалим, бидејќи израелскиот премиер се соочува со обвиненија за корупција.
Демонстрациите беа поттикнати од апсење на седум демонстранти кои вчера одржаа мал митинг против продолжување на мандатот на Нетанјаху за премиер, иако тој е обвинет пред суд.
Демонстрантите држеа транспаренти во кои го опишуваа Нетанјаху како „премиер на злосторството“. Меѓу седумтемина приведени беше и поранешниот највисок израелски генерал од воздухопловството.
Израелската полиција соопшти денеска дека протестот претходниот ден е „нелегален“ затоа што демонстрантите блокираа патишта.
Тројца демонстранти, меѓу кои и пензионираниот бригаден генерал Амир Хаскал, останаа во притвор, јавија израелски медиуми.