Сегашниот конфликт меѓу Израел и Хамас е убедливо најдолгиот, најкрвавиот и најразорниот конфликт меѓу двете конфликтни страни, пишува АП по повод 100-дневната војна меѓу Израел и палестинската милитантна група Хамас.
Агенцијата наведува дека за тоа време биле убиени вкупно 23.843 Палестинци, од кои 347 биле на Западниот Брег.
Борбите избувнаа на 7 октомври, кога Хамас започна смртоносен напад врз јужен Израел во кој загинаа 1.200 луѓе, а оттогаш Израел води воена кампања во Појасот Газа, од копно и од воздух, што резултираше со човечки жртви, уништување на инфраструктура и станбени објекти, извести АП.