Британскиот премиер Кир Стармер денеска го поздрави напредокот во мировните преговори меѓу Украина и САД, додавајќи дека мировниот договор меѓу Киев и Москва мора да вклучува враќање на киднапираните деца.
– Сега мораме да ги удвоиме нашите напори за да постигнеме траен и безбеден мир – рече тој, додавајќи дека во сабота ќе ги повика меѓународните лидери за да разговараат за чекорите кон понатамошен напредок во преговорите, пренесува Sky News.
Кога станува збор за враќањето на киднапираните деца, Украина објави дека руските сили однеле најмалку 19.000 деца од земјата.
На прашањето дали британските мировни сили ќе бидат распоредени во Украина само доколку договорот за прекин на огнот вклучува враќање на украинските деца и изведување на рускиот претседател Владимир Путин на суд, Стармер потсети дека се работи за ужасен случај на киднапирање деца.
Според него, тоа прашање мора да се реши за да се постигне траен и праведен мировен договор.