Средба на „Пријателите на Сирија“ во Токио

Од:

Во главниот град на Јапонија денеска се одржува средба на претставници од 63 држави, кои ја поддржуваат сириската опозиција.

На петтата средба на „Пријателите на Сирија“ учествуваат претставници на Арапската лига, на Советот за соработка во Заливот и ЕУ. Првпат на ваква средба учествуваат Бангладеш, Казахстан, Косово и Индонезија.

Со средбата претседаваат Јапонија и Мароко. Се очекува на овој состанок да бидат договорени нови санкции против сирискиот режим.

– Досега Советот за безбедност не успеа да ја преземе својата одговорност, па затоа од огромно значење е меѓународната заедница да дејствува единствено во наложување ефикасни санкции против режимот на Асад и за проширување на групата од држави, пријатели на Сирија, изјави на отворањето на средбата јапонскиот министер за надворешни работи Коичиро Гемба.

Денешната средба на техничко ниво на „Пријателите на Сирија“ е само подготовка за закажаната на 12 декември средба на високо ниво во Маракеш, Мароко.

Во заклучното соопштение од средбата во Токио се повикува за воведување целосно нафтено и оружено ембарго против сирискиот режим.

Би можело да ве интересира

Сирија: Експлодира автомобил-бомба, најмалку 19 загинати

Aл Шара: Ни требаат четири до пет години да се подготвиме за избори

Ал Шара е именуван за претседател на Сирија

Ал Шибани: ЕУ презеде позитивен чекор одлучувајќи да ги ублажи санкциите кон Сирија

Ројтерс: ЕУ размислува за постепено укинување на санкциите за Сирија

Јавно е ликвидиран поранешен соработник на Башар ал Асад