Сирискиот премиер Ријаб Хиџаб е сменет само два месеца откако беше поставен на таа функција, објави денеска Сириската телевизија.
За нов премиер на преодната влада е именуван досегашниот заменик премиер Омар Галаванџи.
Хиџаб беше именуван од претседателот Башар ал Асад во јуни, по мајските парламентарни избори кои според властите биле чекор напред во политичките реформи, но политичките противници не ги признаваат. Според Сирискиот центар за човекови права, со седиште во Лондон, Хиџаб ја напуштил државата.