Словачкиот премиер Роберт Фицо е ранет во пукотница пред зградата на Владата, откако ја напуштил зградата по завршувањето на седницата. Тој е хоспитализиран, а напаѓачот е уапсен.
Како што пренесуваат медиумите, тој има рани на главата и градниот кош.
Извор на Ројтерс јавува дека се слушнале неколку истрели и дека е забележан маж како е приведен од полицијата. Сведокот рече дека видел службеници од обезбедувањето како туркаат некого во автомобил и заминуваат. Сè уште нема коментари.
Засега нема информации во каква состојба е премиерот.
Според првите информации, Фицо бил застрелан во Братислава по состанок на владата, недалеку од културниот центар.
По истрелите тој паднал на земја, а обезбедувањето кренало, го ставило во автомобил и го однело во болница.
Медиумите јавуваат дека зградата пред која се пукало се евакуира.
– Можеме да потврдиме дека е извршен обид за атентат врз премиерот – потврди Матеј Нојман, портпаролот на МВР.
Според информациите до кои дојде „Актуалити“, ранетиот премиер во болница го пренел хеликоптер.