Украинската армија го гранатира централниот дел на градот Славјанск, во регионот Доњецк во Источна Украина, изјави денеска портпаролката на градоначалникот на Славјанск Стела Хорошева.
– Центарот на градот се наоѓа под артилериски оган. Една од гранатите експлодира во близина на зградата на градската влада, изјави Хорошева, пренесува ИТАР-ТАСС.
Засега нема информации за загинати.
Според неа комуникацијата со мобилни телефони е отежната и има сериозен недостиг на чиста вода за пиење.
Поголем дел од градот е без електрична енергија, а украинската армија во текот на ноќта користи светлечки проектили.
Киев продолжува со операцијата во Источна Украина, наспроти ветувањето на новизбраниот украински претседател Петро Порошенко дека во регионите на Доњецк и Луганск ќе биде воспоставен мир.