Сириските бунтовници завзедоа една база на сириската против воздушна одбрана на сириската армија, во близина на северниот град Алепо, изјавија денес анти-режимските активисти.
На снимката објавена на интернет може да се видат бунтовниците внатре во базата, како вршат инспекција на огромните ракети и го пљачкосуваат депото со муниција.
Сириската опсерваторија за човекови права, со седиште во Велика Британија, наведе дека бунтовниците ја окупираа базата на Ел Танех, источно од Алепо, а активистот Мохамед Абу Омар рече дека четири бунтовници се убиени во борбите што се водеа во текот на ноќта.
Сирија е преплавена со бази за противвоздушна одбрана, направени за можна војна со Израел. Бунтовниците и претходно ја напаѓаа таа база, но немаа успех во заплена на оружјето, кое се наоѓа во нив.
Во Сирија, веќе 19 месеци беснее револтот против претседателот Башар ал-Асад, кој во меѓувреме се разви во граѓанска војна, и однесе, се проценува од Сириски активисти, околу 32.000 луѓе.